ناجاڼه کلې دې هر خوا ته چم،په چم ويره ده
څه بوږنوونکي خاموشي ده دم په دم ويره ده
د مساواتو اسرافيل شپيلۍ د حشر پوکي
په هره لوږه د مرګ ويره په هر غم ويره ده
بيا بارانونه د سپرلي شو د اشنا خيالونه
زړګيه ستا د ښوئيدو په هر قدم ويره ده
مينې چې کوم طرف ته مخ کړې انقلاب راولې
تانه د هرې کرکې ويره هر ستم ويره ده
د حادثو سمندرونه ډوبيدل چې په کښې
نن هغې زړونو ته را پيښه د شبنم ويره ده
تر څو به سيزي دا زما ساړه، ساړه اهونه
ما سره ستا د بې رخۍ د جهنم ويره ده
دا بت شکن حالات د زړونو بت کدې نړوي
ما سره ګرانه ګورې هم د خپل صنم ويره ده
آذاد غلام – طیب خان
اسلام آباد پاکستان
